AS FLORES

    Como todos ben sabemos as plantas FANERÓGAMAS son as que teñen flores. Neste vídeo podemos observar como medran. Algunha delas ben bonita, abofé.

A FOTOSÍNTESE

É este un proceso moi complexo. Precisamos saber que son necesarios diversos elementos: dióxido de carbono, auga, sales minerais e por suposto a luz solar. Podemos ver de forma sinxela  a transformación neste vídeo.

MANUEL MARÍA

Naceu en Outeiro de Rei, provincia de Lugo, no ano 1.929 e finou en A Coruña no ano 2004. Destacou como poeta comprometido coa súa Terra, GALICIA. Moitos dos seus poemas foron musicados por coñecidos artistas galegos da canción. Aquí tedes unha pequena mostra.

QUE RISA SE O BURRIÑO É QUEN DE GAÑARLLE AO VENTO!

COMO ACABA A NOSA PEQUENA "CAPRA IBEX"?

Quedamos un chisquiño en tensión ante a inminente e dramática, aparentemente, conclusión da escapada do pequeno íbice das fauces do raposo. Poñédevos cómodos e mirade... Por certo imos ver tamén unha incrible escena de caza por agotamento.

HAI QUE COMER!

A busca de alimento é a principal actividade no mundo animal e na vida de todos os seres vivos.  Hai que procurar atopar alimentos e non ser o alimento de ninguén. A vida é traballo e esforzo. De pequenos temos que aprender a ser autónomos. O contrario  sería unha auténtica traxedia. Este vídeo da Natureza é real como a vida mesma.

QUE COMEMOS HOXE?

Os seres vivos animais alimentámonos fundamentalmente doutros seres vivos, ben animais ou ben plantas. En principio todos son bos alimentos cos seus elementos básicos nutritivos. Nas diferentes culturas a alimentación é diversa, incluso nalgunhas ocasións chocante. Noutras palabras : NOXENTA. Pero NUTRITIVA.

QUE COMEMOS HOXE, QUERIDOS ALUMNOS E ALUMNAS?
SERVÍDEVOS! 
E BO PROVEITO!

ANIMAIS QUE SON LENDA

O animal máis grande que existiu no noso planeta non é, como cabería esperar, un dos grandes réptiles da prehistoria.

 NON!

 É un animal que existe agora. Un animal que debemos coidar, protexer e admirar.

A BALEA AZUL

RÉPTILES

Lembramos que os réptiles son VERTEBRADOS. Sempre me chamaron a atención estes animais. Se cadra polos fantásticos grandes SAURIOS de hai millóns de anos, que a todos nos desata a imaxinación. Espero que disfrutedes deste vídeo.

MIMETISMO

Na Natureza os animais tentan facer crer aos demais que son: grandes, perigosos, ... mostrándose como os verdadeiros donos do entorno. Unha variedade dun molusco, moi aprezado polos galegos, é un auténtico xenio da recreación. Podemos observar como domina as artes escénicas neste vídeo.

ROSALÍA

Maio longo, maio longo,
todo cuberto de rosas
para algúns, telas de morte,
para outros, telas de boda.

Maio longo, maio longo,
fuches curto para min
veu contigo a miña dicha
volveu contigo o fuxir.

LUCUS AUGUSTI

Neste vídeo podemos ver o proceso constructivo de "LUCUS AUGUSTI" cos restos arqueolóxicos máis salientables. Coma todas as cidades do Imperio as súas orixes están nun campamento romano ben situado, doado para a defensa e ben comunicado na rede de calzadas.

ENTROIDO 2013

Saiu o SOL no entroido dous mil trece
nenos e nenas de quinto de laranxa e amarelo,
porque a ocasión o merece,
saímos ledos e brilantes de paseo.