DÍA DA ÁRBORE

Entendemos por medio ambiente o lugar e as circunstancias onde se desenvolve a vida. Neste día aportamos a nosa pequena contribución.

UN CASTIÑEIRO
                              FORTE E REXIO
                                                                        SENLLEIRO

                                                                                      AMIGO E COMPAÑEIRO

BISECTRIZ

É, sen lugar a dúbidas, a liña xeométrica máis xusta, solidaria e ecuánime que existe. Ángulo que ve, ángulo que reparte.

EN PARTES IGUAIS!

Non leva unha parte máis grados que a outra.

QUE MARABILLA!

Imos aprender moito dela. En principio, como trazala.

Quinto produccións ofrécenos unha nova entrega. Disfrutádea.

ÁNGULOS

Que doado é construir ángulos. Precisamos pouco e sinxelo material. Un chisco de destreza e ... ADIANTE!

Nesta espectacular producción podemos observar os pasos que debemos dar co fin de culminar esta "dificultosa" tarefa.

EU QUERO UNHA CASA ASÍ

Entretida, divertida, cultural e sobre todo ecolóxica, foi a nosa visita ao PARQUE EÓLICO EXPERIMENTAL SOTAVENTO. Como non podía ser doutro xeito o nome do Parque correspóndese coa dirección dun vento.

A unha porcentaxe altísima de alumnos, superior ao  80%, o que máis lle gostou foi a casa bioclimática. Pola súa forma de aforrar enerxía e polo automatizada que estaba grazas á domótica.

TODOS QUEREMOS UNHA CASA ASÍ!

ADEUS, ENTROIDIÑO, ADEUS.

O entroido rematou.

Era un meco mandaricas, pero non tiña malicia.

Facíao para que nos divertísemos.

E abofé que o conseguíu.

Agardarémolo, impacientes, pero sabedores de que voltará.

El tamén nos ten cariño.

O ENTROIDO ANDRÉS

 

ESTE ANO AO ENTROIDO

POÑERÉMOLO MOI GUAPO

CON CAMISA,  PANTALÓN

E ALGÚN QUE OUTRO FARRAPO

HELP

Hai algunhas criaturas que por non saber idiomas meten a pata ou, se cadra, teñen unha resposta irónica.

Excepcional película onde os intérpretes dan o máximo da súa extraordinaria arte. Que é moita!

Filmada en espazos naturais. Os productores, a pesar da crise, móstranse expléndidos.

A edición realza as dotes interpretativas de todos os intervintes.

Que a gocedes.